تعرف على منهاج الحادي عشر ( علمي )

ما هو الحادي علمي؟؟؟؟ (لا تخافوا لسى ما بلشنا)
يتألف الحادي عشر من عدة مواد
هي : الرياضيات وهو الأهم
الفيزياء والتي لا تقل أهمية عن الرياضيات
والكيمياء والعلوم والعربي والفلسفة والمعلوماتية والتاريخ والديانة والقومية ....(الله يعين هالطالب شو بدو يتحمل ليتحمل)
1ً-ً: الرياضيات:
سنبدأ بنواة المواد ألا وهي الرياضيات:
الرياضيات هي أبواب مفتوحة على بعضها
بحيث لا يمكن أن نجتاز أي معلومة فيها
الرياضيات هي أجمل وأكتر مادة ممتعة في الحادي عشر
تتألف رياضيات الحادي عشر من ثلاث كتب ألا وهي : (الجبر والمنطق الرياضي –التحليل والهندسة التحليلية – والمثلثات والأشعة والهندسة الفراغية )
نبدأ بالجبر والمنطق الرياضي :
يحتوي الكتاب على معلومات مفيدة جدا وممتعة....... وهو الكتاب الأبسط من بين أصدقائه
يتضمن الكتاب عدة بحوث تفيدنا جداً في حياتنا العملية وتفيدنا كثيراً في الإحصاء والأمور المتعلقة به
ومن أهم أبحاثها : المجموعات والعمليات عليها – والاستقراء الرياضي – التحليل التوافقي – الإحصاء – الاحتمالات ...
أما التحليل الرياضي والهندسة التحليلية :
هو كتاب غني عن الوصف
ممتع جداً يحوي التمارين الرياضية التي تنشط العقل وتفتح الأذهان ( بيقولو عنو صعب بس العكس تمام شوية تركيز مع شوية شغل بيمشي الحال )
يتضمن الكتاب عدة بحوث منها ( معادلة المستقيم والمحلات الهندسية – المتتالية العددية – التابع العددي التابعد الأصلي ...)
وآخر كتب الرياضيات هو الأشعة والمثلثات والهندسة الفراغية :
هو كتاب يحوي معلومات جديدة على الطالب تتعلق بضها بمنهاج العااشر
هادا الكتاب بدو ممارسة وشغل وبدو الواحد يعيد ويصقل فيو كتير متل ما بيقولو ( التكرار بيعلم ------> الشطاااااار )
وأجمل مافي الكتاب هو الدائرة المثلثية
تحوي معلومات جديدة بكل ما فيها على الطالب وممتعة بنفس الوقت
فهي داثرة بسيطة تحوي كم هائل من المعلومات
من بحوث هذا الكتاب : ؛النسب المثلثية للزوايا والزوايا الشهيرة – والجداء السلمي لشعاعين – العلاقات بين النسب المثلثية – التحويلات النقطية ...
وهيك منكون انتهينا من أحلى مادة بالحادي عشر وهي الرياضيات

2ً- : الإنكليزي English :الانكليزي كتير سهل
بس بدو الواحد يحبو
يعني بس شوية حب للمادة كلشي بيصير
وهو بيفيدنا كتير بحياتنا العملية
يعني بيحوي كلمات كتيرة بنستخدمها بحياتنا اليومية
هي المادة مألفة من ثلاث كتب : وهي (student's book-activity's book - Scientific Section)
وفيها أربع أبحاث هي : the sea – syper space – civilization- design
وهالأبحاث بتتحدث عن الواقع الأفتراضي والفضاء التخيلي يعني (باختصار عالمنا هادا الي نحنا فيو : النت )
وأيضاً يتحذث لنا عن أحدث صرخات الموضة في عصرنا وعن حضارات البلدان وآثارها
أما الملحق : هو كتاب بيحوي مواضيع علمية بحت ( من اسمو مبين يعني )
بتتناول الحديث عن التكنولوجيا من هاتف وكمبيوتر وغيرها
وكمان بيحكي عن صحة الأنسان والأضرار الي بتسبب ضعف بالصحة
وكمان بيحكي عن الغلاف الجوي atmosphere بكل طبقاتو الجوية
يا جماعة صدقوني الإنكليزي سهل كتير بس بدو ممارسة بحيانا اليومية وهيك منكون تمكنا منو

3ً- : الفيزياء : ... يا سااااتر
فيزيا = جلطة
هلأ هو كتاب ممتع كتير ومعلوماتو كتير حولة بسسس مووووو سهل
يعني بدو كتيييييييييير تركيز
وبدو كتير شرح لحتى يفهم الطالب
بيحتوي على عدة أبحاث منها:
حركة نقطة مادية : هادا البحث كتير سهل بس بدو ممارسة ......ولازم الطالب يحل قدر كبير من المسائل حتى يتمكن منو
ثاني بحث هو : العمل والاستطاعة : هو شرح لمعلومات مرت معنا بالتاسع بس شرح موسع ودقيق ( لا تخافو بكرى بالبكالوريا رح يكون على أوسع أوسع وأدق )
ومن بحوث هذا الكتاب أيضاً : ( الطاقة –الكهرباء – والحوادث الاهتزازية – والأمواج الصوتية .....)

تاااابع ....
4ً- ً الكيمياء :هي المادة عنجد أسهل مااااادة
كتاب الكيميا هو كتاب كتير سهل وبسييييط
بيحكي عن التفاعلات الكيميائية بين العناصر
وبيتناول شرح الصفات العامة للمركبات الكيميائية
من أبحاثة : الخاصيات العامة للعناصر الكيميائية – والكيمياء الكهربائية – والكيمياء العضوية – الأكسدة والإرجاع ....

5-ً : العلوم :هي المادة كتير عميعانو منها الطلاب
يعني هي مادة للبصم أكتر من الفهم ..... العلوم بيحكي في بدايتو عن عوامل نشأة الأرض والمستحاثات وهيك شغلات ...... وبيحكي كمان عن المادة الحية والمواد العضوية واللا عضوية والخلية ... والحموووض النووية ..وهادا البحث الجلطة الحقيقية يعني الله وكيلكم بدو فهم أكتر من الرياضيات وبدون فهم ما بتقدر تكتب شي.... ( وفهمكن كفااية).
من أبحاث هذا الكتاب : ( عوامل نشأة الحياة على سطح الأرض –المادة الحية – الخلية – وبعض الوظائف الحيوية عند الإنسان ...)

6ً- : العربي : .... (غير شكل )
بيتألف العربي من ثلاث كتب هي : ( القراءة – والأدب – والقواعد )
القواعد : هو كتاب بيحكي عن قواعد اللغة العربية والمعلومات الي فيو كتيييييير بسيطة وسهلة
أأما القرااءة : هو كتاب كتير حلو بيحكي عن مواضيع أدبية
وقصص شعبية وحربية ومن التاريخ
من قصصو : أدب الرحلات – ميسون - مواطن من تشرين ...
هادا الكتاب بيشمل الفرعين الأدبي والعلمي مع تحديد بعض النصووص لفرع الأدربي حصررررراً
أمااا الأدب : اووووه عالأدب غير شكل
بيحكي عن العصر العباسي وشعراء العصر العباسي وكيف كانت حياتهن ...
بيحوي نصوص وقصاائد لأهم شعراء العصر العباسي متل أبو العتاهية – البحتري – أبوتمام – بشار بن برد ...
عنجد القصائد فيو بتجنن صراحة هاد احلا كتاب من كتب العربي وبنفس الوقت أصعب كتاب
وكمان فيو بعض دروس التعبير الي بتضمن المواضيع الأدبية حصراً .... عن حياة الشعراء بالعصر العباسي وتغرب الأدباء ....

7-ً : الفرنسي .... francais :الفرنسي سهل كتير وفي ناس بتقول انو هو اسهل من الانكليزي
الكتاب سميك كتير بس متل البكالوريا كمان نصو حذوف
وكلو نصوص وعليها أسئلة وترجمة وحل تمارين وفراغات وهيك شغلات
والكتاب التاني : القراءة الرافدة : كتاب رقيق كتير
فيو نصوص قراءة كتير حلوة ومؤثرة متل غطاء والدي ...

8-ًً : الفلسفة :...... يعني لشو الفلسفة بفرع العلمي مابعرف
هلأ هي حلوة وبحوثها بتتناول مواضيع علمية كتير بتفيدنا بحياتنا العملية
وبلا فلسفة ....... وباختصار
من أبحاثها : الإدراك والتفكير –الانفعال – علم النفس – علم الاجتماع ...

9-ًً : القومية :
يا ماحلى الفلسفة ادام القومية
هي مادة كتير بيعانو منها الطلاب
لأنها بصمية بحت
بس يعني بتفيد الطلاب هي ثقافة عامة وأكيد بتعرفووا فحواها بتتناول الحديث عن الأمور السياسية ....( الله يجيرنا ) والمشاكل بوطننا وشو الحلول المناسبة لحلها ...
هي بصراحة مهمة كتير النا يعني على القليلة اذا قعدنا نتفرج على نشرة أخبار نعرف على شو عميحكو ....( يعني ما نصير متل الأطرش بالزفة )
من بعض دروسها: التكامل الاقتصادي – والمشاكل بمجتمعنا مثل التخلف والتبعية ....

10ً- ..... الله وكيلكن تعبت من العدّ ...: التاريخ:
ااااااااخ منوحاطينو كمالة عدد .... انو نحنا شو بدنا بالتاريخ ....المهم وبلا فضايح
بتحكيلنا هالمادة عن تاريخ الغرب وحضارتهن وتقنياتهن ووسائلهم في الحرب....
يعني باختصااار كمان للبصم فقط

11ً – الديانة :هي مافينا نحكي عليها ولا كلمة
بتتناول مواضيع تفيد الطالب في حياته المستقبلية .... مثل الزواج والطلاق وهيك أمور
ومتل ما بتعرفو استحفاظ وتلاوة وحديث...

12ً- المعلوماتية :
هي المادة بتتضمن قسمين
قسم عملي
وقسم نظري
القسم النظري : بيحكيلنا عن البرمجيات والوسائط المتعددة بالكمبيوتر ....
والعملي هو تعليم الطالب كيف بدو يصمم صفحات ويب
وكل الشغل بيكون على برنامج ال :front page

بقي مادة
امممممممممم احزروا شو هي -----------> الي بيحذر رح أعطيه بالونة
ما حزرتو موووو
اخر مادة هي الريااااضة : هي المادة اصعب مادة وأضخم مادة وأكتر مادة عميعانو منها الطلاب
وبتتألف من عشر كتب ( الله يعين هالطالب )
ولازم كل حصة يكون الطالب بلباس الرياضة
والله يعينو الي مو جايب لباس الريااضة
بتكون امو غضبت عليه وفهمكن كفاااااية


وهلأ أعزائي منكون انتهينا من الحديث عن منهاج الحادي عشر العلمي
انشالله تكونو استمتعتوا معنا